Rupert D'Cruz KC: “Britaniya yuristlarining O‘zbekistonga bo‘lgan qiziqishi tobora ortmoqda”

2025-yilning 26-iyun kuni Buyuk Britaniya poytaxti London shahrida o‘tkazilgan Uzbek Law Day tadbiri doirasida huquqshunos, Littleton Chambers barristeri va tijorat nizolari bo‘yicha mutaxassis Rupert D'Cruz KC qisqa intervyu berdi.

Buyuk Britaniya yuridik jamoatchiligining O‘zbekistonga bo‘lgan qiziqishi haqida:

– So‘nggi uch-to‘rt yil ichida London yuridik firmalari tomonidan O‘zbekiston bilan hamkorlikka bo‘lgan qiziqish ancha oshdi. Men O‘zbekistonning turli shaharlarida, jumladan Toshkentda, English Law Day tadbirlarini uyushtirib kelmoqdaman va yil sayin ko'proq londonlik yuristlar bu forumlarda qatnashish, ma’ruza qilish va homiylik qilish istagini bildirmoqda. Joriy yildagi tadbirda Londondan kelgan spikerlar va homiylar soni avvalgi yillarga nisbatan ko‘proq bo‘lishi kutilmoqda, bu esa Britaniyada O‘zbekistonga bo‘lgan qiziqish ortib borayotganidan dalolat beradi.

Londondagi tadbirda ishtirok etishdan maqsad:

– Mening bugungi ishtirokimdagi asosiy maqsad — Britaniya va O‘zbekiston yuristlari o‘rtasida tashkil etilgan yangi ikki tomonlama yuridik uyushma [British-Uzbek Law Association]ni ommaga tanishtirish. Men tadbir ishtirokchilarini ushbu uyushma a’zoligiga taklif qilaman. Umid qilamanki, bu tashabbus orqali kelgusida yangi tadbirlar tashkil etiladi — ehtimol, O‘zbekiston elchixonasi ko‘magida ham bu ro'y beradi.

O‘zbek palovi haqidagi taassurotlari:

– O‘zbek palovini birinchi marta 20 yil avval tatib ko‘rganman va o‘sha zahoti unga oshiq bo‘lganman. Har safar O‘zbekistonning turli shaharlariga borganda yaxshi palov yeyishni intiqlik bilan kutaman. Bugungi tadbirdagi palov — juda ajoyib! U tanovul qilgan eng yaxshi palovlarimdan biri bo‘ldi.